Vetëvendosje i “lutet” PDK-së për ta rrëzuar qeverinë Hoti, flasin nga partia e Veselit


Lëvizja Vetëvendosje ka njoftuar se ka nisur mbledhjen e nënshkrimeve për mocionin për rrëzimin e Qeverisë.Shefi i Grupit Parlamentar të VV-së, Rexhep Selimi në një konferencë për media tha presin që të sigurojnë edhe votat e PDK-së për këtë mocion, ngase sipas tij retorika e deritashme e kësaj partie ka qenë që kjo qeveri të shkojë.Gazeta Online “Reporteri” ka kontaktuar me kryetarin e grupit parlamentar të PDK-së, Bedri Hamza për ta pyetur nëse partia e tij do ta mbështet mocionin e VV-së për shkarkimin e Hotit.

“Më janë drejtuar (VV) me shkresë zyrtare si kryetar i Grupit Parlamentar. Do të trajtohet nga strukturat e partisë, dhe në bazë të arsyeshmërisë dhe situatës do të marrim vendim. Kjo çështje në strukturat e partisë nuk është diskutuar”, ka thënë HamzaI pyetur se a do ta mbështet PDK partinë e Albin Kurtit në rrëzimin e qeverisë Hoti, shefi i deputetëve të PDK-së ka thënë se për këtë vendosin organet drejtuese të partisë.“PDK do ta shqyrton dhe do të dalë me një qëndrim”, tha Hamza.