Na keni quajt “HAJNA e TUCA“ por prap po lypni prej neve UÇK-së me ju mbrojtë!


Nënkryetari i OVL të UÇK-së dhe ish komandantë në Koshare, Nasim Haradinaj, për gazetën “Bota sot” ka komentuar hyrjen e xhandarmërisë serbe në Kosovë, saktësisht në Karaçevë.Haradinaj ka një mesazh edhe për ata që komandantët e luf tës po i fyejnë e po i njollosin.

“Për mua kjo nuk është lajm, sepse nuk është hera e parë duke ndodhur. Ajo që mua më befason dhe do të doja të bëja një thirrje publike të gjithë atyre patriotave që po na fyejnë si komandantë të cubave, komandantë hajna, të cilët thonë se mos të ishte NATO, komandantët nuk e kishin kry asnjë punë. I ftojë tash ata patriota që Kosova është e tyre, le të na tregojnë atëherë se si duhet me luftu për vendin, nëse ne nuk paskemi ditë. Është shumë interesant se sa herë shohim serbë edhe nëpër video, na ftojnë neve, por të kqinjë prapë jemi ne”, ka thënë Haradinaj për “Bota sot”.