Masat e reja përfshijnë edhe zgjatjen e orarit të gastronomisë deri në këtë orë


Në kuadër të rishqyrtimit të masave kundër koronavirusit pritet të merret vendimi edhe për zgjatjen e orarit të gastronomisë.Raportohet se orari i gastronomisë do të zgjatet për një orë e gjysmë, nga 21:00 sa ishte deri në ora 22:30, shkruan Gazeta Sinjali.Po ashtu nga dita e nesërme pritet të ndryshojë orari i kufizimit të lëvizjes për qytetarët e disa komunave të Kosovës.

Burime të Gazetës Sinjali kanë bërë të ditur se sipas orarit të ri, që nga ora 22:30 deri në orën 5:00 të mëngjesit të ketë ndalim për çfarëdo qarkullimi në komunën e Prishtinës, Prizrenit, Pejës, Podujevës, Gjakovës, Ferizajt, Lipjanit, Drenasit, Vushtrrisë, Mitrovicës Jugore, Gjilanit, Fushë Kosovës dhe Shtërpcës.

Po ashtu, Qeveria Hoti pritet të marrë vendim që secili qytetar që viziton vendet e rajonit të cilat llogariten me risk të lartë të infeksionit si: Republika e Shqipërisë, Maqedonisë së Veriut, Malit të zi dhe Serbisë, obligohet të vetizolohet për 7 ditë në shtëpitë/banesat e tyre.Masat e reja përfshijnë edhe rihapjen e çerdheve.