Isa Mustafa kundër Albin Kurtit: Çështja e taksës është dashur të shtrohet në Qeveri, pastaj të publikohet


Kryetari i Lidhjes Demokratike të Kosovës, Isa Musfata, ka dalur kundër vendimit të djeshëm të kryeministrit Albin Kurti, në lidhje me heqjen e pjesshme të taksës 100%Mustafa ka thënë se vendimi për heqjen e pjesshme të taksës prej 100 për-qind ndaj produkteve që vijnë nga Serbia dhe Bosnja e Hercegovina është dashur së pari të trajtohet në Qeveri dhe pastaj të publikohet.

“Unë nuk po them se e përkrahi apo nuk e përkrahi njoftimin e kryeministrit Kurti lidhur me taksën. Atë që Kurti e dha mbrëmë është dashur të shtrohet në Qeveri. Vendimet publikisht jepen vetëm pasi t’i ketë aprovuar Qeveria”, tha Mustafa.Mustafa tha se koalicioni i tyre qeverisës duhet t’i dëgjon kërkesat e Shteteve të Bashkuara të Amerikës dhe të ruhet partneriteti me amerikanët.

“Pa marrë parasysh se si e ka shtruar Kurti atë, ajo duhet me qenë çështje e Qeverisë. Vet fakti që SHBA-të u deklaruan qartë duke thënë se nuk e pranojnë kurrfarë heqje të pjesshme apo heqje me kushte, flet se jemi në një periudhë në të cilën ne prapë duhet të kthehemi dhe të dëgjojmë se çfarë po thonë SHBA-të, të ruajmë partneritetin me ta dhe në këtë frymë të bëjmë zgjidhjen e këtij problemi”, tha Mustafa.Kreu i LDK’së tha se tani kemi të bëjmë me një kërkesë eksplicite të Shteteve të Bashkuara ku theksohet se tarifa duhet të hiqet dhe të mos zëvendësohet me masën e reciprocitetit.

“Kemi një kërkesë më eksplicite të Shteteve të Bashkuara të Amerikës që tarifa të hiqet dhe të mos zëvendësohet me reciprocitet. Ka edhe një deklaratë nga Bashkimi Europian që e përshëndesin si hap propozimin e dhënë nga Kryeministri Albin Kurti”.“Unë mendoj se duhet të ulemi me bashkësinë ndërkombëtare [SHBA-në dhe BE-në] dhe të gjejmë një zgjidhje të pranueshme për të gjitha palët në mënyrë që të ndërmerren masat që tarifa të hiqet, por po ashtu të detyrohet Serbia që të heq dorë nga të gjitha masat jo-tarifore dhe të heq dorë prej propagandës ose fushatës që po e bënë kundër njohjeve të Kosovës edhe të hapet pastaj rruga për njohjen e ndërsjellë”.“Mendoj se ka akoma hapësirë që me Lëvizjen Vetëvendosje të ulemi dhe t’i shohim të gjitha mundësitë, të gjejmë një zgjidhje e cila e ruan partneritetin me Shtetet e Bashkuara dhe Bashkimin Europian sepse Kosova e izoluar nuk ka perspektivë dhe ardhmëri”, tha Kurti